Aðalfundi lokið

Við héldum okkar árlega aðalfund í vikunni og var mæting ágæt, eða 12 manns í sal og tveir stjórnarmenn. Tveir nýir menn voru í framboði til stjórnar. Vilhelm Jón bauð sig fram sem aðalmann og Sigurður Magnússon sem varamann. Voru þeir báðir réttkjörnir með samþykki aðalfundar. Bjóðum þá báða velkomna í stjórn. Aðrar breytingar voru ekki og hyggst stjórnin hittast fljótlega og fara yfir næstu viðburði og helstu mál.

Allir viðburðir ársins verða vel auglýstir hér á síðunni og einnig á póstlista okkar og samfélagsmiðlum.

Eins og áður hefur komið fram verður félagið 10 ára í haust og er mikill hugur í stjórnarmönnum að gera árið eftirminnilegt.