Fréttatilkynning frá MAX1.
MAX1 Bílavaktin sem er söluaðili Nokian tires á Íslandi hefur hafið samstarf við Bleiku slaufuna. Í október og nóvember mun hluti ágóða af sölu Nokian dekkja renna til átaksins. Á meðan samstarfinu stendur mun MAX1 jafnframt bjóða viðskiptavinum 20% afslátt af Nokian dekkjum.
Bleika slaufan er árvekniátak Krabbameinsfélags Íslands en slaufan er tákn Krabbameinsfélagsins í baráttunni gegn krabbameini í konum. Sigurjón Árni Ólafsson, framkvæmdastjóri MAX1 segir að með samstarfinu vilji MAX1 sýna samfélagslega ábyrgð með því að vekja athygli á mikilvægum málstað. Reglulegt eftirlit hjá Krabbameinsfélagi Íslands er mikilvæg forvörn í baráttunni gegn krabbameini. Með því er hægt að koma í veg fyrir mörg alvarleg tilfelli. „Þetta málefni skiptir miklu máli, ekki einungis fyrir konur heldur einnig fyrir karla. Við eigum öll konur í okkar lífi sem við þurfum að hvetja til að mæta í reglulegt eftirlit. Það getur skipt öllu.“ segir Sigurjón Árni.
Samstarfið hófst 1. október og verður út nóvember mánuð. Að sjálfsögðu verður Bleika slaufan til sölu á öllum verkstæðum MAX1 en þau eru fjögur talsins, þrjú í Reykjavík og eitt í Hafnarfirði.
20% afsláttur af Nokian gæðadekkjum
Viðskiptavinir MAX1 sem versla dekk í október og nóvember leggja ekki einungis góðu málefni lið heldur fá einnig 20% afslátt af Nokian dekkjum. Nokian eru margverðlaunuð finnsk gæðadekk sem eru sérstaklega hönnuð fyrir krefjandi aðstæður norðlægra slóða.
Dekk eru af ólíkum gæðum
Starfsmenn MAX1 eru sérfræðingar í dekkjum og hafa unnið að því í samvinnu við Sjóvá að efla fræðslu um öryggi í umferðinni. Dekk eru einn af mikilvægustu öryggisþáttum bílsins. Þau eru eina snerting bílsins við veginn og öryggi bílsins veltur því á gæðum þeirra. Dekk eru af mismunandi gæðum. Rannsóknir sýna að munur á hemlunarvegalengd tveggja dekkja á 100 km hraða getur verið allt að 27 metrar sem jafngildir lengd tveggja strætisvagna. „Við höfum alla tíð lagt megin áherslu á öryggi. Við eigum dekk í öllum verðflokkum en við ráðleggjum viðskiptavinum að velja gæðadekk.“ segir Sigurjón Árni. „Nokian dekk eru ein þau öruggustu sem völ er á og hafa ítrekað verið valin bestu dekkin í gæðakönnunum. Nokian er jafnframt eini framleiðandinn sem sérhæfir sig í aðstæðum eins og finnast hér á Íslandi.“
Ný reglugerð um mynstursdýpt
Ný reglugerð um mynstursdýpt mun taka gildi 1. nóvember. MAX1 hvetur bíleigendur til að kynna sér breytingarnar til að tryggja akstursöryggi og jafnframt að bíll sé löglegur í umferðinni. Hægt er að finna upplýsingar um nýju reglugerðina á heimasíðu MAX1.