Ágæti Volvo áhugamaður.
Það hefur lengi verið draumur margra að á Íslandi sé virkur félagsskapur um Volvo bifreiðar. Sá draumur er að rætast!
Þér er boðið á stofnfund Volvoklúbbs Íslands, miðvikudaginn 13. nóvember 2013 kl. 20:00.
Fundurinn verður haldinn í húsakynnum Brimborgar að Bíldshöfða 6 í þakhýsi, (gengið inn á milli aðalbyggingar og verkstæðis að framanverðu).
Fundarefni
- 1. Fundargestir boðnir velkomnir.
- 2. Fundarstjóri og ritari kynntir.
- 3. Starfsemi og markmið klúbbsins kynnt.
- 4. Drög af samþykktum félagsins lagðar til samþykktar
- 5. Stjórn lögð fram til samþykkta og kosning varamanna.
- 6. Félagsgjöld 2014 lögð til samþykkta. (2000 krónur)
- 7. Heimasíða félagsins kynnt og framtíðarplön.
- 8. Önnur mál.
- 9. Fundi slitið og Volvoklúbbur Íslands formlega stofnaður.
Boðið verður uppá kaffi og léttar veitingar eftir fund.
Meðfylgjandi eru drög að samþykktum klúbbsins. Allar breytingartillögur skulu berast á postur(hja)volvoklubbur.is eigi síðar en 6. nóvember, og verða allar breytingar skoðaðar og lagðar fram á stofnfundi.
Við í undirbúningsnefndinni vonumst til að sjá sem flesta, og að saman getum við byggt upp félagsskap áhugamanna um Volvo bifreiðar.
Kær kveðja,
Undirbúningsnefndin