Volvo XC90 bíll ársins 2015 af Auto Express

Volvo XC90 var valinn bíll ársins 2015 og jeppi ársins 2015 í flokki stórra jeppa á árlegri verðlaunaafhendingu Auto Express.

Hinn margverðlaunaði Volvo XC90 hefur nú þegar selst í 44.000 eintökum en þess má geta að Volvo áætlaði að framleiða 50.000 eintök fyrsta árið svo það eru allar líkur á því að salan sigli fram úr markmiðum.

„Verðlaun eins og þessi enduspegla þá miklu ástríðu sem Volvo hefur fyrir þróun nýrra bíla. Við skiljum löngun viðskiptavina okkar til þess að eiga fallega bíla, bíla sem gera líf þeirra auðveldara með nýrri tækni – tækni sem er notendavæn. Við skiljum einnig þörfina fyrir kraftmiklar en jafnframt sparneytnar vélar og undirvagn sem gerir aksturinn enn betri en áður.“ sagði Dr Peter Mertens, forstjóri rannsóknar og þróunardeildar Volvo Car Group við afhendingu verðlaunanna.

Steve Fowler, ritstjóri Auto Express sagði við sama tækifæri „Við höfum beðið lengi eftir XC90 en það var vel þess virði – þetta er stórkostlegur jeppi. Hann setur ekki einungis ný viðmið fyrir Volvo heldur fyrir bílamarkaðinn í  heild. Volvo XC90 er leiðandi hvað varðar tækni, hagkvæmni, stíl og öryggi. Hann hefur einstakan stíl bæði að innan sem utan, sem þú gerðir ekkert endilega ráð fyrir. Ef XC90 er það sem framtíðin ber í skauti sér hjá Volvo er framtíðin mjög björt.“

Volvo XC90 _ Car of the Year_ AutoExpress

 

Nýr Volvo XC90

Nýr Volvo XC90 er fyrsti bíllinn sem byggður er á nýrri SPA (Scalable Product Architecture) undirvagnstækni Volvo með Drive-E vélatækninni.

Glæsileg blanda skandinavískar hönnunar, bæði að innan og utan, gerir Volvo XC90 einstakan. Lögun nýju framljósanna, sem er innblásin af Þórshamri, og kraftalegt grill bílsins gera það að verkum að nýi Volvo XC90 hefur mjög sterka nærveru á veginum.

Mest áberandi í innanrýminu er stór snertiskjár í miðjustokk bílsins með samskonar flettimöguleika og er í iPad. Snertiskjárinn, sem er óvenju stór, myndar hjarta nýs stjórnkerfis Volvo og gerir mælaborðið nánast takkalaust.

Allt efni í innanrými Volvo XC90 er það besta sem völ er á. Þar samtvinnast viður og mjúkt leður við handunnin smáatriði líkt og sjálfskiptihnúð úr kristal frá sænska framleiðandanum Orrefors. Ekki skemmir svo fyrir alvöru hljómburður úr Bowers & Wilkins hljómtækjunum.

 

Margverðlaunaður Volvo XC90

Síðan bíllinn var fyrst kynntur í ágúst 2014 hefur Volvo XC90 hlotið fjölda verðlauna. Hér fyrir neðan eru nokkur þeirra:

 

Award Awarded By Year Country
Most Innovative HMI System Car HMI Concept & Systems 2015 Germany
Best Technological Car Mas Que Coches, TELE 5 2015 Spain
Swiss Car of the Year – Runner up Schweizer Illustrierte 2015 Switzerland
Automotive Launch of the Year AUTO LIDER 2015 Poland
Interior Design of the Year Automotive Interiors Expo 2015 Germany
Best Big SUV Auto Motor & Sport reader poll 2015 Sweden
Best Innovation, Design, Quality and Operating Comfort Plus X Award 2015 Germany
Most Innovative car of the year Automotive Innovations 2015 2015 Germany
Best car of the year Auto Swiat 2015 Poland
Big SUV of the year AUTO LIDER 2015 Poland
Car Maker of the Year TU Automotive 2015 USA
Best Luxury Midsize SUV U.S. News & World Report 2015 USA
Yankee Cup Technology Award New England Motor Press Association 2015 USA
Best SUV of the year Motor-Presse Bohemia reader poll 2015 Czech Republic
Best 4×4 Diesel Car Magazine 2015 UK
Company Car of The Year – Large SUVs Firmenauto/DEKRA 2015 Germany
Best of the Best Product Design Award Red Dot Awards 2015 Germany
Connected Car of the Year 01net.com 2014 France

Comments are closed.